సెంట్రల్ ఇండస్ట్రియల్ సెక్యూరిటీ ఫోర్స్ (సీఐఎస్ఎఫ్) హెడ్ కానిస్టేబుల్ జనరల్ డ్యూటీ పోస్టులకు అర్హులైన అభ్యర్తుల నుంచి అప్లికేషన్స్ కోరుతోంది. ఈ నోటిఫికేషన్ ద్వారా 249 హెడ్ కానిస్టేబుల్ పోస్టులను స్పోర్ట్స్ కోటా కింద భర్తీ చేయనుంది. అభ్యర్థులు ఆన్లైన్లో సీఐఎస్ఎఫ్ అధికారిక వెబ్సైట్ ద్వారా అప్లయ్ చేసుకోవచ్చు. 2022 మార్చి 31వ తేదీ లోపు దరఖాస్తు చేసుకోవాలి.
ప్రధాన అర్హతలు
క్రీడలు: అథ్లెటిక్స్, బాక్సింగ్, బాస్కెట్బాల్, జిమ్నాస్టిక్స్, ఫుట్బాల్, హాకీ, హ్యాండ్ బాల్, జూడో, కబడ్డీ, షూటింగ్, స్విమ్మింగ్, వాలీ బాల్, వెయిట్ లిఫ్టింగ్, రెజ్లింగ్, టైక్వాండో తదితర విభాగాల్లో ఉన్నాయి. ఏదైనా గుర్తింపు పొందిన బోర్డు నుంచి 12వ తరగతి పరీక్షలో ఉత్తీర్ణులైన అభ్యర్థులు దరఖాస్తు చేసుకోవచ్చు. అయితే జాతీయ లేదా అంతర్జాతీయ స్థాయిలో క్రీడలు ఆడి ఉండటం అవసరం. అభ్యర్థుల వయస్సు 18 నుంచి 23 సంవత్సరాల మధ్య ఉండాలి. ఎంపికైన అభ్యర్థికి దేశంలో లేదా విదేశాలలో ఎక్కడైనా పోస్టింగ్ ఇవ్వొచ్చు.
సెలెక్షన్ ప్రాసెస్: ఫిజికల్ సెలక్షన్ టెస్ట్ (పీఎస్టీ), డాక్యుమెంట్ వెరిఫికేషన్, ట్రయల్ టెస్ట్, ప్రొఫిషియన్సీ టెస్ట్ ఫలితాల ఆధారంగా ఈ పోస్టులకు అభ్యర్థును ఎంపిక చేస్తారు. రిక్రూట్మెంట్ ప్రక్రియలో ఎంపికైన అభ్యర్థులకు నెలకు రూ.25,500 జీతం ఉంటుంది.
వెబ్సైట్: www.cisf.gov.in
