సెంట్రల్ ఇనిస్టిట్యూట్ ఆఫ్ పెట్రోకెమికల్స్ ఇంజినీరింగ్, హైదరాబాద్ ఆధ్వర్యంలోని సెంటర్ ఫర్ స్కిల్లింగ్ అండ్ టెక్నికల్ సపోర్ట్ – ఆరు నెలల వ్యవధితో స్కిల్ డెవలప్మెంట్ కోర్సుల్లో ప్రవేశానికి నోటిఫికేషన్ విడుదల చేసింది. టెన్త్ పాసై, 18 నుంచి 30ఏళ్ల మధ్య వయసు ఉన్న అభ్యర్థులు దరఖాస్తు చేసుకోవచ్చు. పలు కోర్సులకు ఎనిమిదో తరగ తి ఉత్తీర్ణులు అర్హులు. ఇంటర్వ్యూ ద్వారా సెలెక్టయిన వారికి ఫ్రీ ట్రైనింగ్, భోజనం, వసతి సదుపాయాలు కూడా కల్పిస్తారు. విజయవంతంగా ట్రైనింగ్ పూర్తి చేసుకున్న వారికి ప్లాస్టిక్ అనుబంధ పరిశ్రమల్లో ఉద్యోగావకాశాలు లభిస్తాయి.
కోర్సులు
సీఎన్సీ మిల్లింగ్–మెషిన్ ఆపరేటర్ అండ్ ప్రోగ్రామర్ , సీఎన్సీ లేథ్–మెషిన్ ఆపరేటర్ అండ్ ప్రోగ్రామర్, టూల్ రూం,బ్లో మౌల్డింగ్, ఇంజెక్షన్ మౌల్డింగ్, ప్లాస్టిక్స్ ఎక్స్ట్రూషన్, ప్లాస్టిక్స్ ప్రాసెసింగ్ విభాగాల్లో మెషిన్ ఆపరేటర్ స్కిల్ డెవలప్మెంట్ కోర్సులు అందుబాటులో ఉన్నాయి.
ఆసక్తిగల అభ్యర్థులు స్టడీ సర్టిఫికేట్లు, కులం, ఆదాయం, ఆధార్, అభ్యర్థి ఫొటోలు సీపెట్ సంస్థకు మెయిల్ చేయాలి. పర్సనల్ ఇంటర్వ్యూలు, అభ్యర్థుల ఎంపిక మార్చి 28న నిర్వహిస్తారు. ఈ మెయిల్ : vtc.hyderabad@cipet.gov.in.
వెబ్సైట్ : www.cipet.gov.in
