ఆర్జీయూకేటీ పరిధిలోని బాసర ట్రీపుల్​ఐటీలో 2022-23 విద్యాసంవత్సరంలో ప్రవేశాలకు నోటిఫికేషన్​ విడుదలైంది. ఆరేండ్ల ఇంటిగ్రేటేడ్​ బీటెక్ కోర్సు ఇక్కడ అందుబాటులో ఉంది. టెన్త్ ఉత్తీర్ణులైన​ విద్యార్థులు ఆన్​లైన్​ ద్వారా దరఖాస్తు చేసుకునేందుకు అర్హులు. నేటి నుంచి జులై 15 వరకు ఓసీ, బీసీ అభ్యర్థులు దరఖాస్తు రుసుం రూ. 200, ఎస్సీ, ఎస్టీ అభ్యర్థులకు రూ. 150 చెల్లించి ఆన్​లైన్​లో అప్లై చేసుకోవాలి. దరఖాస్తు ఫీజుతో పాటు సర్వీసు చార్జీ అధనంగా రూ. 25 చెల్లించాలి. ఆన్​లైన్​ దరఖాస్తు సమర్పించినప్పుడు ఇచ్చిన రశీదు, టెన్త్​ హాల్​ టికెట్​, మార్కుల లిస్టు, నివాసం, అభ్యర్థుల కుల ధ్రువీకరణ పత్రాలు, వికలాంగులైతే వైకల్యా నిర్ధారణ సర్టిఫికేట్​, సైనికోద్యోగుల పిల్లలైతే సంబంధిత అధికారి జారీ చేసిన ధ్రువీకరణ పత్రం, ఎన్​సీసీ, స్పోర్ట్స్​ కోటా అభ్యర్థులైతే సంబంధిత అధికారి జారీ చేసిన పత్రాలు సమర్పించాల్సి ఉంటుంది.

దరఖాస్తు చేసుకోవాల్సిన వెబ్​సైట్​ www.rguket.ac.in జులై 30న ఎంపికైన విద్యార్థుల జాబితా విడుదల చేస్తారు.

సెలెక్షన్​ ప్రాసెస్​..
టెన్త్​ లో వచ్చిన జీపీఏ ఆధారంగా అడ్మిషన్లు కల్పిస్తారు. దరఖాస్తులు చేసుకున్న విద్యార్థుల జీపీఏలు ఒక్కటైతే వరుసగా గణితం, జనరల్​ సైన్స్​, ఇంగ్లిష్​, సోషల్​లో ఎక్కువగా గ్రేడ్​ వచ్చిన వారికి ప్రాధాన్యం ఇస్తారు. ఇవన్నీ సమానంగా ఉంటే ఫస్ట్​ లాంగ్వేజ్​లో ఎక్కువ గ్రేడ్​ వచ్చిన వారిని ఎంపిక చేస్తారు. ఇవన్నీ సమానంగా ఉంటే హాల్​ టికెట్​ నంబర్​ ఆధారంగా ఎంపిక చేస్తారు.

ఫీజు వివరాలు
రాష్ట్ర పాఠశాలలో చదివిన విద్యార్థులకు ఏడాదికి రూ. 36వేల ఫీజు చెల్లించాలి. ట్యూషన్​ ఫీజు రీయంబర్స్​మెంట్​ అర్హులైన వారు చెల్లించాల్సిన అవసరం లేదు. రిజిస్ట్రేషన్​ ఫీజు కింద ఓసీ, బీసీ అభ్యర్థులు రూ. వెయ్యి, ఎస్సీ, ఎస్టీ అభ్యర్థులు రూ. 500 చొప్పున చెల్లించాలి. క్యాష్​ (దీనిని తిరిగి ఇస్తారు) డిపాజిట్​ కిందే కేటగిరి అభ్యర్థులైన వారు రూ. 2వేలు చెల్లించాలి. ఇతర రాష్ట్రాలు, గల్ప్​ దేశాల్లో పని చేసే వారి పిల్లలు ఏడాదికి రూ. 1.36లక్షలు, ఎన్నారై విద్యార్థులకు రూ. 3లక్షల ట్యూషన్​ ఫీజు చెల్లించాల్సి ఉంటుంది.