దేశంలోని ప్రముఖ ప్రభుత్వ రంగ బ్యాంక్ అయిన బ్యాంక్ ఆఫ్ బరోడా (BOB) నుంచి డిప్యూటీ మేనేజర్ పోస్టుల భర్తీకి నోటిఫికేషన్ విడుదలైంది. ఒప్పంద ప్రాతిపదికన వివిధ విభాగాల్లో ఖాళీగా ఉన్న మొత్తం 104 పోస్టులను భర్తీ చేయనున్నారు. బ్యాంకింగ్ రంగంలో కెరీర్ కోరుకునే అభ్యర్థులకు ఇది మంచి అవకాశం.
పోస్టుల వివరాలు
ఈ నోటిఫికేషన్ ద్వారా
డిప్యూటీ మేనేజర్ / AVP పోస్టులు – 104
భర్తీ చేయనున్నారు. అభ్యర్థులు తమ అర్హతలకు అనుగుణంగా సంబంధిత విభాగాల్లో దరఖాస్తు చేసుకోవచ్చు.
అర్హతలు
దరఖాస్తు చేసుకునే అభ్యర్థులు గుర్తింపు పొందిన విశ్వవిద్యాలయం నుంచి సంబంధిత విభాగంలో డిగ్రీ ఉత్తీర్ణులై ఉండాలి. అదనంగా సంబంధిత రంగంలో పని అనుభవం ఉండటం తప్పనిసరి.
వయోపరిమితి
పోస్టులను అనుసరించి అభ్యర్థుల వయసు 24 నుంచి 45 సంవత్సరాల మధ్య ఉండాలి. ఎస్సీ, ఎస్టీ అభ్యర్థులకు 5 సంవత్సరాలు, ఓబీసీకి 3 సంవత్సరాలు, పీడబ్ల్యూడీ అభ్యర్థులకు 10 సంవత్సరాల వయో సడలింపు ఉంటుంది.
దరఖాస్తు విధానం
అభ్యర్థులు పూర్తిగా ఆన్లైన్ ద్వారా మాత్రమే దరఖాస్తు చేసుకోవాలి. దరఖాస్తు ప్రక్రియ 2026 మార్చి 27 నుంచి ప్రారంభమై, ఏప్రిల్ 16 వరకు కొనసాగుతుంది. దరఖాస్తు ఫీజు జనరల్, ఓబీసీ, ఈడబ్ల్యూఎస్ అభ్యర్థులకు రూ.850, ఎస్సీ, ఎస్టీ, పీడబ్ల్యూడీ, ఈఎస్ఎం, డీఈఎస్ఎం, మహిళలకు రూ.175 ఫీజు నిర్ణయించారు.
ఎంపిక విధానం
ఈ ఉద్యోగాల ఎంపికను రాత పరీక్ష, సైకోమెట్రిక్ టెస్ట్ మరియు ఇంటర్వ్యూ ఆధారంగా నిర్వహిస్తారు. ప్రతిభ, అనుభవాన్ని పరిగణనలోకి తీసుకుని అభ్యర్థులను ఎంపిక చేస్తారు. ఈ నియామకానికి సంబంధించిన పూర్తి వివరాలను అధికారిక వెబ్సైట్లో పరిశీలించవచ్చు.
BANK OF BARODA Official Website
