ఏపీ ప్రాథమిక విద్యా బోధనలో శిక్షణ పొందాలనుకునే అభ్యర్థులకు విద్యాశాఖ ఒక ముఖ్యమైన అప్డేట్ ఇచ్చింది. 2026-27 విద్యా సంవత్సరానికి సంబంధించి రెండేళ్ల డీఈఎల్ఈడీ (D.El.Ed) కోర్సులో అడ్మిషన్ల కోసం నిర్వహించే డీఈఈసెట్ (DEECET)-2026 దరఖాస్తు గడువును ఏప్రిల్ 25 వరకు పొడిగించినట్లు తెలిపింది. గతంలో విడుదలైన నోటిఫికేషన్ ప్రకారం అప్లికేషన్లకు ఏప్రిల్ 15 వరకు అవకాశం ఉండగా తాజాగా దీనిని పొడిగించారు. ఇదిలా ఉంటే.. ఈ ప్రవేశ పరీక్షలో సాధించిన ర్యాంకు ఆధారంగా ఏపీలోని ప్రభుత్వ డైట్ (DIET) కాలేజీలతో పాటు గుర్తింపు పొందిన ప్రైవేట్ ఎలిమెంటరీ టీచర్ ఎడ్యుకేషన్ ఇన్స్టిట్యూషన్స్లో సీట్లు కేటాయిస్తారు.డీఈఈసెట్ నోటిఫికేషన్కు సంబంధించిన పూర్తి వివరాలు ఇప్పుడు తెలుసుకుందాం.
ముఖ్యమైన అర్హతలు:
అభ్యర్థులు కనీసం 50% మార్కులతో ఇంటర్ లేదా దానికి సమానమైన పరీక్షలో ఉత్తీర్ణులై ఉండాలి. రిజర్వేషన్ అభ్యర్థులకు 45% మార్కులు ఉన్నా సరిపోతుంది.
వయస్సు: 2026 సెప్టెంబర్ 1 నాటికి కనీసం 17 ఏళ్లు నిండి ఉండాలి. గరిష్ట వయస్సు పరిమితి లేదు.
అప్లికేషన్ ఫీజు:
ఆసక్తి గల అభ్యర్థులు రూ. 1,000 అప్లికేషన్ ఫీజు చెల్లించి, అధికారిక వెబ్సైట్ https://apdeecet.apcfss.in/ ద్వారా ఆన్లైన్లో అప్లై చేసుకోవాలి.
అప్లై చేసుకునే విధానం:
1: మొదట అభ్యర్థులు అధికారిక వెబ్సైట్ https://apdeecet.apcfss.in లోకి లాగిన్ అవ్వాలి. తర్వాత హోమ్ పేజీలో ‘Payment’ అనే లింక్పై క్లిక్ చేయాలి.
- అనంతరం మీ పేరు, పుట్టిన తేదీ, మొబైల్ నంబర్, వంటి వివరాలు ఎంటర్ చేయాలి.
- తర్వాత అప్లికేషన్ ఫీజు నెట్ బ్యాంకింగ్, డెబిట్ కార్డ్ లేదా క్రెడిట్ కార్డ్ ద్వారా చెల్లించాలి. ఫీజు చెల్లించగానే మీకు ఒక ‘Journal Number’ వస్తుంది. దీనిని జాగ్రత్తగా నోట్ చేసుకోవాలి.
- ఫీజు చెల్లించిన తర్వాత వెబ్సైట్లో ‘Submit Application’ లింక్పై క్లిక్ చేయాలి. మీకు వచ్చిన జర్నల్ నంబర్, పేమెంట్ తేదీ, పుట్టిన తేదీని ఎంటర్ చేసి లాగిన్ అవ్వాలి.
- ఇప్పుడు మీ వ్యక్తిగత వివరాలు , అడ్రస్, విద్యార్హతలు ఎంటర్ చేయాలి.
- చివరగా.. మీ ఫోటో, సంతకం ఉన్న స్కాన్ కాపీని అప్లోడ్ చేయాలి. సాధారణంగా ఫోటో 3.5cm X 4.5cm సైజులో ఉండాలి. ఫోటో కిందనే సంతకం ఉండేలా చూసుకోవడం మంచిది.
- అప్లికేషన్ పూర్తయిన తర్వాత ఒకసారి అన్ని వివరాలు చెక్ చేసుకుని ‘Submit’ బటన్ క్లిక్ చేయాలి. చివరగా మీ అప్లికేషన్ ఫారమ్ను డౌన్లోడ్ చేసుకుని ప్రింట్ తీసుకోవాలి.
