ఇన్​స్టిట్యూట్ ఆఫ్​ బ్యాంకింగ్​ పర్సనల్​ సెలక్షన్​(ఐబీపీఎస్)​ ఆఫీసర్​ స్థాయిలో 647 పోస్టులతో నోటిఫికేషన్​ రిలీజ్​ చేసింది. ఐటీ ఆఫీసర్లు, అగ్రికల్చర్‌ ఫీల్డ్‌ ఆఫీసర్‌, రాజ్యభాష అధికారి, లా ఆఫీసర్‌, హెచ్ఆర్​/ పర్సనల్‌ ఆఫీసర్‌, మార్కెటింగ్‌ ఆఫీసర్‌ తదితర స్కేల్​–1 పోస్టులు ఉన్నాయి. ప్రిలిమినరీ, మెయిన్స్​ తరహా రెండు స్టేజిల్లో ఆన్​లైన్​ పరీక్ష నిర్వహించి అభ్యర్థులను సెలెక్ట్​ చేస్తారు.

పోస్టులు: 647
ఐటీ ఆఫీసర్లు 20
అగ్రికల్చర్​ ఫీల్డ్​ ఆఫీసర్​ 485
రాజ్​భాష అధికారి 25
లా ఆఫీసర్​ 50
హెచ్​ఆర్​/పర్సనల్​ ఆఫీసర్​ 7
మార్కెటింగ్​ ఆఫీసర్​ 60

అర్హతలు: ఐటీ ఆఫీసర్ పోస్టుకు సంబంధిత విభాగాల్లో నాలుగేళ్ల ఇంజినీరింగ్​ డిగ్రీ లేదా పీజీ ఉత్తీర్ణత ఉండాలి. అగ్రికల్చరల్​ ఫీల్డ్​ ఆఫీసర్​​కి సంబంధిత విభాగాల్లో నాలుగేళ్ల డిగ్రీ ఉండాలి. రాజ్యభాష అధికారికి హిందీ, సంస్కృతం భాషల్లో పీజీతో పాటు ఇంగ్లీష్​/ హిందీ సబ్జెక్టులతో డిగ్రీ పూర్తి చేసి ఉండాలి. లా ఆఫీసర్​ పోస్టుకు లా డిగ్రీతో పాటు బార్​ కౌన్సిల్​లో అడ్వకేట్​గా ఎన్​రోలై ఉండాలి. మార్కెటింగ్​ ఆఫీసర్​కి మార్కెటింగ్​ స్పెషలైజేషన్​లో రెండేళ్ల ఎంఎఎస్/ ఎంబీఏ/పీజీ డిప్లొమా చేసి ఉండాలి.
వయసు: 1 నవంబర్​ 2020 నాటికి 20 నుంచి 30 ఏళ్ల మధ్య ఉండాలి.
అప్లికేషన్​కు చివరితేది: 23 నవంబర్‌ 2020
పరీక్ష తేదీలు: ప్రిలిమిన‌రీ–2020 డిసెంబ‌రు 26, 27 తేదీల్లో.. మెయిన్ ప‌రీక్ష-2021 జ‌న‌వ‌రి 24
వెబ్‌సైట్: www.ibps.in
సెలెక్షన్​ ప్రాసెస్​: ప్రిలిమినరీ​, మెయిన్ పరీక్ష​, ఇంటర్వ్యూ​​ ఆధారంగా..

ప్రిలిమినరీ​:

ఇది కేవలం క్వాలిఫయింగ్​ పరీక్ష మాత్రమే. దీనిలో వచ్చిన మార్కులను ఫైనల్​ మెరిట్​లో కలపరు. నోటిఫికేషన్​లో పేర్కొన్న లా ఆఫీసర్, రాజ్యభాష అధికారి పోస్టులకు ఇంగ్లిష్ లాంగ్వేజ్, రీజనింగ్, బ్యాంకింగ్ రంగానికి సంబంధించి జనరల్ అవేర్‌నెస్‌ ప్రశ్నలు వస్తాయి. ఇంగ్లిష్ లాంగ్వేజ్ 50 ప్రశ్నలు-25 మార్కులకు, రీజనింగ్ 50 ప్రశ్నలు-50 మార్కులకు, జనరల్ అవేర్‌నెస్ 50 ప్రశ్నలు-50 మార్కులకు మొత్తం 125 ప్రశ్నలకు గానూ 150 మార్కులకు ఇంగ్లిష్/హిందీ మాధ్యమంలో పరీక్ష ఉంటుంది. ప్రతి తప్పు సమాధానానికి 1/4 మార్కుల కోత ఉంటుంది. డ్యూరేషన్120 నిమిషాలు.

ఐటీ ఆఫీసర్, అగ్రికల్చర్ ఫీల్డ్ ఆఫీసర్, హెచ్‌ఆర్/పర్సనల్ ఆఫీసర్, మార్కెటింగ్ ఆఫీసర్ పోస్టులకు ఇంగ్లిష్ లాంగ్వేజ్, రీజనింగ్, క్వాంటిటేటివ్ అప్టిట్యూడ్ అంశాల నుంచి ప్రశ్నలు ఉంటాయి. ఇంగ్లిష్ లాంగ్వేజ్ 50 ప్రశ్నలు-25 మార్కులకు, రీజనింగ్ 50 ప్రశ్నలు-50 మార్కులకు, క్వాంటిటేటివ్ అప్టిట్యూడ్ 50 ప్రశ్నలు-50 మార్కులకు మొత్తం 125 ప్రశ్నలకు గానూ150 మార్కులకు ఇంగ్లిష్/హిందీ మాధ్యమంలో పరీక్ష ఉంటుంది. డ్యురేషన్ 120 నిమిషాలు ప్రతి అంశానికి 40 నిమిషాల సమయం మాత్రమే ఉంటుంది .

మెయిన్ పరీక్ష:

ప్రిలిమినరీ పరీక్షలో మినిమం కటాఫ్ మార్కులు పొందిన వారిని మెయిన్‌కు షార్ట్‌లిస్ట్ చేస్తారు. రాజ్యభాష అధికారి పోస్టుకు నిర్వహించే మెయిన్ పరీక్షలో ప్రొఫెషనల్ నాలెడ్జ్​ నుంచి ఆబ్జెక్టివ్​, డిస్క్రిప్టివ్​ తరహాలో ప్రశ్నలు ఉంటాయి. ఆబ్జెక్టివ్​లో 45 ప్రశ్నలు, డిస్క్రిప్టివ్​లో 2 ప్రశ్నలు వస్తాయి. రెండింటికీ కలిపి 60 మార్కులు కేటాయించారు. ఆబ్జెక్టివ్​, డిస్క్రిప్టివ్ పరీక్షలకు 30 నిమిషాల చొప్పున డ్యూరేషన్​ ఉంటుంది.

లా ఆఫీసర్, ఐటీ ఆఫీసర్, అగ్రికల్చర్ ఫీల్డ్ ఆఫీసర్, హెచ్‌ఆర్/పర్సనల్ ఆఫీసర్, మార్కెటింగ్ ఆఫీసర్ పోస్టులకు ప్రొఫెషనల్ నాలెడ్జ్ అంశం నుంచి 60 ప్రశ్నలు- వస్తాయి. మొత్తం 60 మార్కులు కేటాయించారు . డ్యూరేషన్ 45 నిమిషాలు. ప్రిలిమినరీ, మెయిన్ ఆబ్జెక్టివ్​పరీక్షల్లో ప్రతి తప్పు సమాధానానికి 1/4 మార్కుల కోత ఉంటుంది.
ఇంటర్వ్యూ: మెయిన్‌కు హాజరైన అభ్యర్థులందరినీ ఇంటర్వ్యూకు కూడా పిలుస్తారు. ఇంటర్వ్యూకు మొత్తం 100 మార్కులు కేటాయించారు. మెయిన్, ఇంటర్వ్యూల్లో ప్రతిభ ఆధారంగా మెరిట్ లిస్ట్​ తయారుచేస్తారు.