చెన్నై ప్రధానకేంద్రంగా ఉన్న ఇండియన్ బ్యాంక్ వివిధ విభాగాల్లో స్పెషలిస్ట్ ఆఫీసర్ పోస్టుల భర్తీకి అప్లికేషన్స్ కోరుతోంది. మొత్తం 312 పోస్టులకు ఆన్లైన్లో జూన్ 14 వరకు అప్లై చేసుకోవచ్చు. సీనియర్ మేనేజర్లు, మేనేజర్లు, అసిస్టెంట్ మేనేజర్లు, చీఫ్ మేనేజర్ పోస్టులు ఖాళీగా ఉన్నాయి.
అర్హత: పోస్టుల్ని అనుసరించి ఏదైనా గ్రాడ్యుయేషన్, సంబంధిత సబ్జెక్టుల్లో బీఈ/ బీటెక్, పోస్ట్ గ్రాడ్యుయేషన్, సీఏ/ ఐసీడబ్ల్యూఏ ఉత్తీర్ణత. సంబంధిత పనిలో అనుభవం ఉండాలి. పోస్టుల్ని అనుసరించి 23 నుంచి -40 ఏళ్ల మధ్య ఉండాలి.
సెలెక్షన్ ప్రాసెస్: రాత పరీక్ష/ ఆన్లైన్ టెస్ట్, ఇంటర్వ్యూ ఆధారంగా అభ్యర్థులను ఎంపిక చేస్తారు. జనరల్ అభ్యర్థులకు రూ.850, ఎస్సీ/ ఎస్టీ/ పీడబ్ల్యూడీ అభ్యర్థులు రూ.175 అప్లికేషన్ ఫీజు చెల్లించాలి. జూన్ 14 వరకు ఆన్లైన్లో అప్లై చేసుకోవాలి.
పూర్తి సమాచారం కోసం www.indianbank.net.in వెబ్సైట్లో సంప్రదించాలి.
